再過幾日就完成我人生的第四十個年頭!

不知怎樣?總覺得有點捨不得,覺得有點害怕!

害怕變成了一個老坑!害怕別人叫我 “老坑”!

每年在我生日的同時,

我會想起一位女性:我比她大一日,

最巧的是她同我一樣身分證上的日期本來是舊曆來的.

她就是我的初戀情人(單戀),

從小學一年級起,我已經很喜歡她,

亦曾經透過第三者的口告訴她我很喜歡她,

但換來只是一句 “黐線”,

雖然二至五年班,她都在別的班,

但我依然很留意她,她的身材很高窕,

每一年她都好像和我鬥高一樣,

不是她比我高一吋就是我比她高一點.

到了六年級,我們又可以在同一班內上課,

差不多所有同學都知我很喜歡她,

但耐何那時候的我實在是像一碌葛!

她又怎會看得起我呢?

在紀念冊內她只留下兩句唐詩,甚至連電話號碼也不留給我!

但至今我仍未想通她這兩句唐詩有甚麼寓意.

在中一時,有一次在回校途中,見到她和媽媽一起上學,

我不敢和她打招呼!

最後見她已是十多年前在地鐵車箱內,

當時車上擠滿了人,我看見她一個人上車,

我認出她,她也認得出我!

我們只是對望了一眼,

我又再一次像一個呆子一樣!

只看著她的離開,再一次不敢上前和她打招呼!

若不然這次相遇極有可能改變我的一生!

雖然隔這麼遠,早幾年我還常常夢見她呢!

到現在我都想知道她的近況,看看她的外貌變得怎樣.

 

我係十歲前, 屬於比較薯嗰隻,

成日俾D叻人蝦!

但係到咗十一,二歲開始, 我有一個信念,

就係: 一係唔玩, 一玩就起碼要叻過好多人,

唔會咁容易輸!

所以籃球, 乒乓球, 滑板, 單車, 划艇, 釣魚, 我都玩得好叻!

好似打桌球咁, 玩得唔叻, 就特登拜師學到精為止.

出嚟社會做事亦抱住呢種心態:

就係一係唔做, 一做就做到最好.

所以我試過兩年內加八次人工, 23歲已經做廠長.

(哦!重有就係千萬唔好怕蝕底!)

但係近呢兩年已經無咗呢種衝勁,

想運動, 隻左腳嘅十字韌帶斷咗,又無以前咁靈活;

做事方面我諗又無得變!

唉!死症!

 

 

 

 

我同我個細仔唔知係咪前世撈亂骨頭?

呢兩年佢成日同我頂頸,

佢嘅脾氣真係好乞我憎(唔聽話嗰陣),

有時我忍唔住就郁佢一兩下,

我好唔想咁對佢! 打咗佢自己又唔開心,

唔打佢, 佢就亞支亞左,

但係只有我哋兩個出街嗰陣, 我同佢都好Friend,

我太太唔明白我哋呢D關係,

成日認為我同D仔不和,

其實我一邊俾D好嘢佢哋,

一邊就俾D壓力, 批評, 譏諷佢哋.

等佢哋習慣可以承受呢D嘢.

因為近年來好多少年人遇到少少挫折就自尋短見,

我諗可能佢哋自專心過強, 未受過傷害.

而家新一代年青人真係要反醒反醒!

 今日真係好彩 ,

中午過了深圳買 LV 袋及 DVD ,

過關的時候好驚 ,

但過了關又覺得好過癮 !

好刺激 !

回到家中 , 坐下來不久 ,

突然傾盆大雨 , 我覺得好好彩 !

好彩返得來及時 !

但係我想起一位朋友 ,

我諗佢暫時係最唔喜歡下雨嗰個 ,

佢而家唔知使唔使揸住把遮坐响屋企 tim ?

幫你唔到 !

I’m very very sorry ! God bless you ! 

我係一個主觀同自信心都好強嘅人 ,

從我決定放棄讀書出嚟做事直到現在 ,

我無對自己做過嘅決定而後悔 ,

因為每個決定經過我深思熟慮 ,

我深深相信命運是對手 (我哋自己一雙手) .

我知道若果唔付出 , 係絕對唔會有收成嘅 .

我唔怕挫折 , 我唔怕失敗 ,

當工作遇到壓力 , 壓到透不過氣 , 縱使是高薪厚職 !

我都可以抽身而退 , 另覓新的地方 , 重新開始 .

但到而家 , 唯一可以叫我寫個服字嘅 , 就係O.C.D. !

O.C.D. ! 你好嘢 ! 我真係頂你唔順啦 !

真係唔知道呢個世界上有沒有無上帝 ? 有無神仙 ?

如果有 我一定要同佢講吓數 , 開吓會 .

我撫心自問從來無害過人 ,

以往我懷著一顆赤子之心 ,

幫到人嘅 , 我都會幫 .

但一次又一次換番嚟都係慘痛嘅教訓 ,

所以而家我對幫人嘅事 ,

會無咁熱衷 ! 重好有保留 .

雖然話施恩莫望報 ,

但都唔希望好心無好報 !

點解個天唔可以對我好 D ?

我係一個唔鐘意用電話去溝通嘅人 ,

唔知點解打電話前我會預備好哂所有對答 ,

好有壓迫感 . 所以索性唔打 .

真係好多謝發明 Email 嗰個人 ,

因為中國人比較保守 ,

有好多嘢根本講唔出口 , 好似 ( DEAR ) , ( YOURS ) …….

咁嘅句子 , 男同男根本就無可能講出口 ,

更莫講男同女講啦 !

但係 Email 就唔同 ,

想寫嘜都得 ! 係唔係都會加個 ( DEAR ) 落去 ,

又唔使死嘅 !

哦 ! 寫信都係異曲同弓 ,

但係要等好耐先至有回音 .

另一種我就鐘意用 MSN 嘞 !

想見個樣開個 Webcam , 睇住嚟鬧 ! 幾過癮呀 !

但係我唔會用咪同喇叭 ,

因為下下要等對方回答 , 慢幾拍 .

依家 MSN 新 Version 又多 function , 又多 motion 公仔 ,

比最早期嗰陣 , 真係好玩好多 !

不過 , 個對手打字一定要夠快先至爽 .

如果唔係 , 我寧願寫 email 俾佢都費事同 chat!