有時覺得做人真係好無奈 !
有好多嘢都唔係自己心中最想要嗰隻 !
原因係响唔啱嘅時間同地點 ,做咗一D當時係啱嘅抉擇 .
就好似一個人從小都無見過電視機呢樣嘢 ,唔知道邊部電視機最適合佢 ,
有一日 , 响街上見到一部好靚嘅電視機 ,重有好多 ( 分唇 ) tim !
于是唔理37 , 21 , 就買咗佢返屋企 .過咗一排 ,
又响街上見到另一部好靚嘅電視機 ,發現呢部先至係佢心中所想嘅嗰部 ,
但係佢屋企已經有一部好靚嘅電視機 ,
而部電視機重可以用好耐 ,亦都無理由去掉咗屋企嗰部而走去買部新嘅 !
于是就要同現實compromise ,
唯有continue用屋企嗰部嘞 !做人就係咁㗎啦 !
唔知點解近排無夢發 ,
我好 enjoy 發夢 ,因為係夢中 ,
每次差唔多都扮演唔同角色 ;所以唔理係 sweet dream 或者係 nightmare ,
我都會好 enjoy ,如果係 nightmare ,
就當免費睇 ( 猛鬼街 ) ,俾亞 Feddy 追殺 , 好刺激 !
如果係 sweet dream ,^_^ 咪好 sweet 囉 ! 
抑或係心情影響 ,
一瞓落床就即刻大昏迷 !
擘大眼 , 啊 ! 又天光嗱 !
吚 ! 今朝睇報紙話食芝士可能會發夢 ,
本來我好想試吓 ,但係食芝士會肥㗎噃 !
咁究竟要發夢抑或係要keep fit好呢 ?
呢兩個非人物體,
都係我遇到過最賤格嘅鬼,對唔住 ! 搞錯咗 !
佢哋係狗, 唔係鬼 !因為個個都叫佢哋做 ( 癲狗 ) !
佢哋無樣得,最得就係罵人,
最慘就係黑鬼亞 SAM,日日都要俾佢媽 !
啱啱同個舊同事食午飯，
大家吹吓水，講吓 Le、講吓 Lo，車天車地。我以前覺得佢好長氣，
長氣到收唔到聲嗰隻；雖然依家佢都好長氣，
但係我就無咗呢個 Feel。
唔知係咪我都長氣咗呢？談及我嘅近況，
佢竟然完全明白、
了解我嘅處境同心態！
重可以形容出嚟！天呀！！！
終於有人 understand 到 我嘅 situation 啦！
佢重叫我搵多D嘢 relax 吓，
唔好俾自己 Down 埋喎 ，真係好多謝呢個傻佬嘅關心。
回應(1) | 回應的RSS | 暫時未有引用通告| 
(0)
傻傻戇戇係呢間公司做到今日，
啱啱好四個月 。都唔知個老細做乜請我返嚟？
又無嘢俾我做 ，鬼死咁得閒，
搞到我好似一個閒人咁 ！ 係廢人至啱！日日戇居居係度等時間過，
又無得我發揮 ，浪費哂我呢D人材！
不過有樣好 ，就係有時間俾我寫 BLOG！！！
回應(1) | 回應的RSS | 暫時未有引用通告| (0)
我向來都對陳小春都無乜好感，
因為我覺得佢塊面好巢，你睇番頭文字D就知；
唱歌又無乜技巧。但係早兩年佢有首歌，
我覺得D歌詞好Actual，想學唱，
於是錄咗成隻MD都係呢首歌，咁啱嗰陣時要出trip，
重要响Rome等幾粒鐘咁就一邊聽、一邊唱，
咁就俾我學識咗呢首歌嘞！係唔係好戇居呢？
我重記得嗰次响Rome機場嘅toilet度洗面刷牙，隔離有個黑鬼企咗响度抹身，
唔覺意同佢對望咗一眼，我怕起上嚟走夾唔抖。
老實講我最怕D眼大大嘅黑鬼望住我，因為我覺得佢哋個樣好鹹濕，
好似想食咗我咁！ 雖然我唔係女仔，但係都好驚！
回應(2) | 回應的RSS | 暫時未有引用通告| (0)
