傻傻戇戇係呢間公司做到今日，

 啱啱好四個月 。

都唔知個老細做乜請我返嚟？

又無嘢俾我做 ，

鬼死咁得閒，

搞到我好似一個閒人咁 ！ 係廢人至啱！

日日戇居居係度等時間過，

又無得我發揮 ，

浪費哂我呢D人材！

不過有樣好 ，

就係有時間俾我寫 BLOG！！！

從懂事以來，

見識過唔少嘅嘢、

亦見識過唔少嘅人。

有D人真係好叻。

例如：佢哋唔會主動教你嘢；

有事發生，佢哋會扮唔識、

企埋一邊、唔會搭訕，咁就唔會揹鑊。

但係有D乜都唔識嘅人，

又比佢坐到個高位！

所以成日聲大大、認屎認屁、

講嘢懶高深咁、唔識又扮代表，

講咗出嚟連佢自己都唔知講乜！

好似今朝同嗰個高人同 lift 咁，

一出 lift 我想 gentleman  D 就行快 D 去開門，

但行錯咗方向：只係一步啫！

佢問我：『你想去邊呀？』，

我話：『走錯方向。』，

佢跟住話：『好似張國榮唱歌咁呀！』

我真係比佢吹漲！

正一傻婆嚟㗎！

我小魚豪係直㗎！

        我覺得呢個世界真係好奇怪、又覺得好好笑！每個團體、每個公司、每個工廠，唔理規模大小，都好似倒模咁；裏面梗有D人好nice、有D人好乞人憎。

 

        好似我以前間公司咁，有人好長氣、有人態度好差。冇嘢嘅，我唔採佢啫！

 

        而家間公司D人好nice，但係有一個女人，佢哋個個都唔鐘意佢，話佢格衰，我覺得佢唔知自己有問題啫，佢唔識檢討自己囉！不過對我嚟講係無問題嘅，因為我係工作上同佢係無接觸嘅。

 

       做嘢啫！放咗工又唔使對住、又唔係做人世，放過佢啦！ 

       無人同佢傾計都好慘o架！